A Deputación lembra as axudas a rallyes como o da Mariña

A Deputación de Lugo lembra o seu ompromiso con esta proba.

Imaxe do II Rally da Mariña / Rally da Mariña

A Deputación de Lugo lembrou este mércores os compromisos adquiridos co Rally da Mariña en edicións anteriores. Foi durante a presentación na Praza de San Marcos do vehículo co que o equipo do piloto Luis Vilariño competirá no campionato europeo de rally, o FIA European Rally Championschip (ERC), a competición de automobilismo máis importante despois do mundial.
Será a primeira vez que un equipo galego afronte integramente o campionato, un proxecto deportivo que conta co apoio da área de Deportes da Vicepresidencia da Deputación de Lugo. “Mantemos diferentes liñas de axuda ao automobilismo, co apoio a probas emblemáticas como o Rally San Froilán ou a creación do Rally da Mariña, a as bolsas para pilotos ou o Volante Deputación, que permite aos pilotos noveis iniciarse neste deporte. Co apoio a este proxecto damos un paso máis e apoiamos a participación galega na competición máis importante despois do mundial”, explicou o deputado Efrén Castro.
O deputado de Deportes destacou “a visibilidade que a competición dará ao automobilismo e ao deporte galego e lucense, grazas a súa retransmisión por Eurosports e ao impacto que o campionato ten nas redes sociais”.
RALLY DA MARIÑA
A II edición do Rallye RECALVI Mariña Lucense celebrouse en decembro do pasado ano e foi a última proba do Campionato Galego de Rallyes de Asfalto 2020. A súa base estivo no Concello de Viveiro e transcorreu tamen polos concellos de O Vicedo, Xove e Cervo.

RESPOSTAR

Please enter your comment!
Please enter your name here