Alcoa, peche non, lema do alumeado da casa da cultura de San Cibrao

Os traballadores acenderon este xoves unhas luces coas que reivindican un futuro para a planta de aluminio, que a multinacional ve inviable

Acendido do alumeado. CONCELLO DE CERVO

Os traballadores de Alcoa acenderon a última hora da tarde deste xoves un alumeado na casa da cultura de San Cibrao que reivindica un futuro para a planta de aluminio, posta en cuestión pola multinacional sen un abaratamento da enerxía eléctrica.

Alcoa, peche non‘ é o lema que deixan ver as luces, penduradas no edificio, ubicado no centro da vila. Anteriormente estiveron colocadas na praza do centro cívico de Xove.

Trala poxa de interrompibilidade, Alcoa manifestou que a fabricación de aluminio primario en España é “inviable” sen un novo marco tarifario para a luz, que a faga máis barata e cun prezo máis estable no tempo. Os traballadores temen que a multinacional presente un Expediente de Regulación de Emprego (ERE) nunha factoría que dá emprego directo a máis de 600 persoas.

RESPOSTAR

Please enter your comment!
Please enter your name here