InicioEconomíaOs obreiros de Alcoa seguen ao "100%" a folga e cortan a...

Os obreiros de Alcoa seguen ao “100%” a folga e cortan a vía do tren

Os traballadores manifestaranse en Santiago este mediodía para reivindicar a continuidade da produción de aluminio en San Cibrao

Publicada o

- Advertisement -

Os obreiros de Alcoa San Cibrao celebran este mércores, primeiro de xullo, unha folga cun seguimiento do “100%” contra o despedimento colectivo na planta de aluminio, nunha xornada de protesta que comezou con barricadas nocturnas e a queima do cartel da multinacional á entrada da fábrica, así como co corte da vía de tren que discorre pola factoría co uso de pedras e troncos.

O presidente do comité de empresa de Alcoa San Cibrao, José Antonio Zan, salienta o apoio total á folga dos persoais das fábricas de aluminio e alúmina, así como de auxiliares, á vez que agradece o apoio de establecementos da comarca coa peche das súas portas.

“Sabemos que nos apoian os comercios e autónomos e os empresarios da Mariña Lucense, incluídos os Concellos de Xove, Cervo e Viveiro que tamén puxeron día de folga para hoxe”, apunta. O goberno local viveirense fletou un autobús para a concentración que se celebrará este mércores en Santiago de Compostela.

Así, avisa de que “o primeiro que ten que facer o Goberno central é tomar nota e facer o seu traballo. Xa estamos fartos de ter que saír á rúa para defender o que é bo para a bisbarra e para España”, afirma.

“Aos políticos éncheselles a boca cun pacto social entre empresarios e axentes sociais, aquí fixemos un pacto social sen necesidade de negocialo”, argumenta Zan.

CONCENTRACIÓN EN SANTIAGO

Ao mediodía os traballadores farán unha concentración ante a Xunta en Santiago de Compostela. Posteriormente, reuniranse co conselleiro de Economía, Francisco Conde.

O xoves está prevista unha nova reunión coa dirección de Alcoa -a partir das 9.30 horas en Lugo- no marco do proceso formal de negociación do Expediente de Regulación de Emprego (ERE), que termina o 24 de xullo. “Imos seguir loitando e defendendo os nosos traballos ata o final”, conclúe Zan.

PARO NO CONCELLO DE BURELA

Os empregados municipais do Concello de Burela realizarán un paro de dez minutos ás 12.00 da mañá para amosarlles o seu e apoio e solidaridade aos traballadores de Alcoa.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...