A conselleira do Mar, Rosa Quintana, reuniuse este martes, de forma telemática, co sector nun Consello Galego de Pesca extraordinario no que se abordou a folla de ruta en defensa dos intereses galegos ante o Brexit.
En declaracións remitidas á prensa tras o encontro, a conselleira sinala que este acordo pesqueiro entre UE e Reino Unido é “negativo” para a frota do Gran Sol e o Cantábrico Noroeste.
Quintana reuniuse este martes, de forma telemática, co sector nun Consello Galego de Pesca extraordinario no que se abordou a folla de ruta en defensa dos intereses galegos ante o Brexit.
O Goberno galego encargou dous informes: un técnico-administrativo –centrado no impacto que terá na actividade extractiva e na comercialización–, que fará a Fundación MarInnLeg; e outro xurídico, do que se encargará o profesor José Manuel Sobrino, do Instituto Universitario de Estudos Europeos Salvador de Madariaga da UDC. O obxectivo é que acheguen “luz” á estratexia do sector.
Ademais, solicitouse unha reunión con todos os eurodeputados españois que forman parte da Comisión de Pesca do Parlamento Europeo para que participen nunha reunión do Consello Galego de Pesca e se poida analizar con eles a “letra pequena” dos acordos.
Así mesmo, solicitarase unha reunión coa directora de DX Mare –responsable das políticas europeas sobre asuntos de pesca–, Charlina Vitcheva, e co presidente de Comisión de Pesca do Parlamento Europeo, Pierre Karleskind, para trasladar as liñas de defensa para un sector pesqueiro “forte”.
Please wait while you are redirected...or Click Here if you do not want to wait.