IniciosociedadeMíchel visitou Vegadeo convidado polo Foro Comunicación y Escuela

Míchel visitou Vegadeo convidado polo Foro Comunicación y Escuela

O adestrador compartiu a súa experiencia no fútbol de elite co alumnado do IES Elisa y Luis Villamil

Publicada o

- Advertisement -

O adestrador Miguel González “Míchel” participou este martes nun coloquio en Vegadeo, organizado no marco do XI Foro Comunicación y Escuela do instituto vegadense IES Elisa y Luis Villamil.

O ex futbolista do Real Madrid e adestrador de equipos como Olympiacos, Sevilla ou Olympique de Marsella compartiu cos asistentes a súa experiencia no fútbol profesional e as súas reflexións sobre a contribución do deporte á formación. Antes do relatorio na casa da cultura, o técnico reuniuse cos alumnos do centro educativo.

Durante a xornada tamén visitou os concellos de Vegadeo e Castropol, ademais de desfrutar dun paseo en lancha pola ría de Ribadeo.

En declaracións a Ser Occidente, o madrileño definiu a visita como “un día de festa” e puxo en valor a “dedicación” dos promotores do Foro para organizar este tipo de iniciativas “cos medios que teñen”. Ademais, gabou a “continuidade” e o “nivel dos participantes”.

Míchel é o terceiro adestrador de elite que pasa polo programa do instituto vegadense despois de Vicente del Bosque e Javier Irureta, que participaron noutras edicións.

41 ACTIVIDADES PARA 11 CENTROS

Daquí a novembro, o Foro Comunicación y Escuela ofrecerá un total de 41 actividades para alumnado de once centros educativos da comarca Oscos-Eo.

Entre as conferencias previstas, figuran as do presidente da Xunta de Galicia, Alberto Núñez Feijóo; do vicepresidente do Goberno entre 1982 e 1991, Alfonso Guerra; ou do xuíz de menores Emilio Calatayud.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...