IniciosociedadeRibadeo informa este martes sobre as axudas para repoboar con frondosas

Ribadeo informa este martes sobre as axudas para repoboar con frondosas

O Concello habilitará unha partida de 6.500 euros para axudar aos veciños que cumpriron coa Lei de incendios

Publicada o

- Advertisement -

O Concello de Ribadeo informará este martes á veciñanza sobre as faixas de protección fronte aos incendios forestais e das axudas que concederá o goberno local para repoboar con frondosas.

O encontro será na casa do mar, a partir das 20.30 horas. Impartirán a charla persoal técnico do distrito forestal da Mariña e o especialista de medio ambiente do Concello. Os relatores resolverán as preguntas que queiran facer os veciños.

“Queremos tamén dar explicación da iniciativa que queremos levar adiante desde o Concello de Ribadeo, que é o feito de recoñecer o esforzo de adaptación dos que foron facendo caso ao longo destes meses e cortando as árbores pirófitas, botando unha man coa repoboación deses espazos”, expón o alcalde, o nacionalista Fernando Suárez Barcia.

CONVIDA A PARTICIPAR

As subvencións contarán cunha partida de 6.500 euros. Coa repoboación “evitarase que estas especies volvan retoñar ao ano seguinte e os donos teñan que facer tarefas de limpeza”, indica o rexedor, que convida a participar “a veciños e especialmente aos propietarios dos montes”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...