InicioM.ambiente e PatrimonioMondoñedo acollerá unha concentración dos afectados polas louseiras

Mondoñedo acollerá unha concentración dos afectados polas louseiras

En Marea, BNG e SLG apoiarán a protesta contra a actividade de Piveri, o día 30 na praza do Concello

Publicada o

- Advertisement -

A Praza do Concello de Mondoñedo acollerá este sábado, desde as 12.00 horas, unha concentración en apoio á Asociación de Afectados polas Louseiras do Val do Río Baos, constituída por veciños das parroquias de Lindín e Santa María Maior, e aos traballadores da empresa Pizarras Veira do Río S.L. (Piveri).

O colectivo denunciou numerosas irregularidades por parte da firma, á que acusou de contaminar o encoro que surte de auga ao Concello de Lourenzá, de provocar fendas que supoñen unha ameaza para a seguridade ou de causar estragos en parcelas privadas e estradas de titularidade municipal.

Ante esta situación, a Xunta de Galicia ordenou paralizar a actividade, unha orde que non foi respectada pola empresa e que conlevou o precinto da mesma. Sen embargo, a plataforma afirma que a compañía non cesou a actividade.

Ademais dos incumprimentos das condicións de explotación, os operarios denunciaron que a empresa lles adebeda varios meses de traballo.

O Sindicato Labrego Galego (SLG) anunciou que apoiará a protesta. O voceiro de En Marea no Parlamento de Galicia, Luís Villares, acudirá ao acto, así como Ollalla Rodil, parlamentaria do BNG.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...