En Marea denunciará ante a Fiscalía a situación do parque eólico de Sasdónigas

O voceiro da formación a nivel local, Manuel Germade, afirma que "saen vondo pezas" da instalación, que supón un "desastre ambiental"

Peza caída do parque eólico de Sasdónigas. EN MAREA

O portavoz de En Marea Mondoñedo (Lugo), Manuel Germade, avanzou que denunciará este luns ante a Fiscalía a situación do parque eólico de Sasdónigas, no que “un muíño leva semanas parado” porque “lle faltan pezas que se desprenderon e saíron voando“.

Segundo asegura a formación nun comunicado, estas instalacións inauguradas hai unha semana supón un “desastre ambiental e social” perpetrado pola empresa Norvento. Por iso, En Marea Mondoñedo pide que o director xeral de Enerxía e Minas da Xunta, Ángel Bernardo Tahoces, explique “as medidas que adoptaron para concederlle a licenza de inicio de actividade” á compañía.

“Ao muíño novo sáltanlle pezas que acaban no monte e en fincas particulares, a escasos metros do Camiño de Santiago, dándose situacións de risco para persoas e animais”, denuncia En Marea, que asegura ademais que “hai terras de propietarios por pagar“.

CRITICAN A “INDEFENSIÓN” DOS VECIÑOS

Ademais, apela ao Concello, gobernado pola popular Elena Candia, e á súa “obriga de salvagarda do ben común dos veciños” despois de “dar o visto e prace” ao parque. Así as cousas, En Marea adianta que este luns levarán estes os feitos á Fiscalía este luns “ante a pasividade do Concello e Xunta” e ante a “indefensión” dos veciños.

RESPOSTAR

Please enter your comment!
Please enter your name here