A Plataforma na Defensa da Sanidade Pública da Mariña continúa a súa tarefa de asesoramento ás persoas que queiran presentar reclamacións polas deficiencias nos servizos sanitarios.
O colectivo ubicará a unidade móbil de axuda coas reclamacións á entrada do Hospital Público da Mariña na mañá deste martes, de 11.00 a 13.00 horas.
PARA USUARIOS E PROFESIONAIS
A plataforma asesorará tanto a usuarios como a colectivos e profesionais sobre “todo o que precisen en materia de tempos de agarda, derivacións e calquera dúbida que poda xurdir”. Tamén prestarán axuda na redacción e presentación polo rexistro de demandas relacionadas coa sanidade pública.