O líder dos socialistas galegos e candidato á Xunta de Galicia, Gonzalo Caballero (Ponteareas, 1975), asegura que o PSdeG-PSOE está “en condicións” de ser a “primeira forza” política nas próximas eleccións autonómicas. “É o mellor que lle pasaría a este país”, exclama á vez que chama o resto de forzas progresistas a facer “o mellor que poidan” para “recuperar o seu electorado”.
Preguntado pola crise industrial que atravesa Galicia, defendeu os “avances” conseguidos polo Goberno fronte a un Rajoy que “non fixo nada para transitar cara a novos modelos”. “Chegamos ao goberno e posibilitamos que a central das Pontes puidese ter actividade durante anos”, asegura Caballero, que tamén subliñou os esforzos dos socialistas para “conseguir ter actividade na planta de Alcoa en San Cibrao”.
“Imos tentar facelo con todo o esforzo, pondo a funcionar un estatuto das electrointensivas”, indicou tras lembrar que en 2019 “o goberno de España deulle ao redor de 38.000 euros por traballador” en axudas a esta empresa. “Temos que ter Alcoa en observación, con toda a presión política, pero é certo que o Goberno de España está a traballar coa prioridade de manter o emprego no sector industrial”, apunta.
Podes ler a entrevista completa a Gonzalo Caballero en Galicia Confidencial.
