O Encoro de Río Cobo acollerá o sabado 10 de xullo a III regata da Copa Deputación de Piragüismo, organizada polo Club Deportivo San Ciprán, coa colaboracón do Concello de Cervo.
O edil de Deportes, David Rodríguez, xunto con adestradores e unha ampla representación de nenos integrantes do club presentaron a proba no propio escenario onde se desenvolverá a competición.
Esta arrincará ás 15:00 horas e competirán en representación da Mariña, ademais da entidade anfitrioa -O Club Deportivo San Ciprán- , o Club de Piragüismo Altruán de Ribadeo, o Kayak de Foz e o club de piragüismo Viveiro Urban; ademais do Club de Piragüismo Cidade de Lugo e o Club Fluvial de Lugo.