O Concello de Cervo recupera as Noites Alternativas e priorizará as actividades ao aire libre

Actividades organizadas polo Concello de Cervo ao aire libre / Concello de Cervo

O Concello de Cervo volve apostar para os meses de xullo e agosto polas Noites Alternativas e polo programa Enredando no Verán, adaptando as actividades á situación sanitaria e priorizando as iniciativas individuais e ao aire libre.

“Os programas comezaron esta mesma semana e contemplan un amplo abano de posibilidades pensadas para todos os públicos”, apunta o concello nun comunicado. Este mesmo xoves, por exemplo, terá lugar a proxección do filme “Cuñados” ás 22:30 horas, na Praza do Lugar en San Ciprián. A actividade é de balde e o aforo é limitado. As persoas interesadas en asistir deben anotarse no mesmo lugar do evento ás 22:00 horas.

A axenda das Noites Alternativas tamén contempla rutas en Kaiak, rutas nocturnas en bici, paddle surf, maxia, teatro, deportes de aventura, aerofit, rutas de sendeirismo, noites de orientación…Todas as actividades serán ou en Cervo ou en San Cibrao, a partir das 21:00 horas.

MÁIS OFERTAS

Pola súa banda, o programa Enredando no Verán, está pensado para as crianzas, e incluirá piragüismo, inchables acuáticos, un laboratorio de perfume, un circuíto de seguridade vial, un taller de cómic, bádminton, surf…Tanto As Noites Alternativas como o programa Enredando son de balde, e desenvolveranse de luns a xoves.

A oferta lúdica – cultural complétase cun curso de ioga infantil que terá lugar os martes, (para crianzas de 6 a 9 anos; de 11:30 a 12:30 horas) e os Xoves (para  crianzas de 10 a 12 anos; 11:30 a 12:30 horas), na Casa do Mar de San Cibrao. baixo inscrición previa na Casa da Cultura ou no 691 65 66 00. Tamén se ofertarán bicis eléctricas en aluguer na Praza do Campos, o 10, 11 e 24 de xullo e o 7, 8, 21 e 22 de agosto.

Ademais haberá rutas por diferentes puntos de interese do concello, con guía turístico. Serán o 17, 18 e 31 de xullo; e o 1, 14, 15, 28 e 29 de agosto; con inscrición previa na Casa da Cultura e no 691 65 66 00.

RESPOSTAR

Please enter your comment!
Please enter your name here