InicioOccidentalCervoOs traballadores apelan ás administracións a unha "postura común" para que Alcoa...

Os traballadores apelan ás administracións a unha “postura común” para que Alcoa desbloquee o proceso de venda

José Antonio Zan indicou que os beneficios "marca" que está a obter o aluminio fai que neste momento "sexa factible" que a planta funcione "ben".

Publicada o

- Advertisement -

O presidente do comité de empresa de Alcoa – San Cibrao, José Antonio Zan, apelou ás administracións a unha “postura común” para que a multinacional desbloquee o proceso de venda das instalacións situadas en Cervo.

Así se pronunciou en declaracións aos medios tras participar nunha reunión á que asistiron cargos do Goberno, encabezados pola ministra de Industria Reyes Maroto; o vicepresidente económico da Xunta, Francisco Conde; os sindicatos e o comité de empresa.

Tras o encontro, José Antonio Zan asegurou que o mellor é que “primeiro” as administracións, os sindicatos e os traballadores acorden unha “posición en común clara e definida” para presentar á empresa e desbloquear o proceso.

Segundo explicou, as partes continuarán traballando esta semana para, unha vez cheguen acordo, tratar de desbloquear esa venda. “Seguimos traballando en común, as autoridades seguen apostando polos investimentos e por apoiar este proceso de venda e o que fai falta é que Aloca desbloquee dunha vez por todas ese proceso”, indicou.

Preguntado sobre se as partes abordaron as ofertas existentes, Zan explicou que ese asunto se tratará “máis adiante”. “Agora estamos nunha fase do proceso na que é necesario desbloquear a venda, se non temos desbloqueo, dá igual que as empresas queiran comprar ou non“, incidiu.

Tamén preguntado respecto diso, explicou que os beneficios “marca” que está a obter o aluminio fai que neste momento “sexa factible” que a planta funcione “ben” pero incidiu na necesidade de obter unha “regulación” que garanta o abaratamento dos custos.

Pola súa banda, fontes da Xunta tamén explicaron que se tratou dun encontro de traballo para seguir avanzando” entre as administracións, os sindicatos e o comité “na procura dunha postura común”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...