Os Maios chegan á Escola Infantil Municipal de Cervo para darlle a benvida á primavera

A concelleira de Educación Dolores García Caramés quixo compartir co alumnado e co persoal docente “esta festa que marca o inicio desta estación do ano na que cobra tanta importancia a natureza”.


A Escola Infantil Municipal celebra este día a Festa popular dos Maios para dar a benvida á primavera, neste “mes das flores”.

Os pequenos e pequenas trouxeron precisamente flores da casa para decorar e vestir os seus propios maios e celebraron unha merenda ao aire libre na que tamén participou a concelleira de Educación Dolores García Caramés, que quixo compartir co alumnado e co persoal docente “esta festa que marca o inicio desta estación do ano na que cobra tanta importancia a natureza”.

Caramés quixo poñer en valor o traballo que realizan desde o centro para que os nenos e as nenas coñezan desde ben pequenos as diferentes tradicións galegas e o simbolismo que agochan.

RESPOSTAR

Please enter your comment!
Please enter your name here