O alcalde de Cervo, Alfonso Villares, e a edil de Medio Ambiente, Mali Méndez, entregaron este pasado sábado os premios ás persoas gañadoras do XII Certame de Fotografía Cervo Respecta. A entrega transcorreu no Conxunto Histórico Artístico de Sargadelos.
En total participaron 38 instantáneas.
O xurado, constituído por especialistas na materia, deliberou do seguinte xeito:
1º Premio “Amencer” de Marcíal Fernández Bellón
2º Premio “Luna, tú que lo ves”, de María Carmen Vale Ramos
TOP CERVO, á mellor fotografía dalgún paraxe do municipio “Reflejos del amanecer en el faro” de Consuelo Fra Fernández.
Mención especial para as persoas usuarias da Asociación Saúde Mental A Mariña, polo seu traballo en equipo. Todos eles recibiron como agasallo unha figura de cerámica de Sargadelos.