A obra inclusiva ‘Con Ojo de Pez’ visitará Viveiro para implicar persoas con diversidade funcional

No caso de Viveiro, a actuación realizarase na Sala Multiusos do Concello, na zona de vidreiras que se pode ver dende o exterior do edificio. Dende o goberno local sinalan que é unha contorna visible para a cidadanía, na que gozar dunha mostra de arte igualitaria.

A alcaldesa de Viveiro, María Loureiro, e a edil de cultura, Lara Fernández-Noriega. AXM

O Concello de Viveiro programa unha nova actividade de inclusión en colaboración coa Asociación Igual Arte, centrada en dar visibilidade á diversidade funcional. Así, Viveiro foi escollido para acoller o xoves 19 de maio a proposta artística “Con ojo de pez”, na que participan persoas con diversidade funcional.

A iniciativa busca invadir os escaparates de diferentes localidades con performances de danza, teatro ou música. Búscase achegar ao público o traballo dunha sala de ensaio, coas conversacións previas a unha actuación e explicando o esforzo detrás dun espectáculo.

No caso de Viveiro, a actuación realizarase na Sala Multiusos do Concello, na zona de vidreiras que se pode ver dende o exterior do edificio. Dende o goberno local sinalan que é unha contorna visible para a cidadanía, na que gozar dunha mostra de arte igualitaria.

Así, o xoves 19 de maio ás 18:30, Viveiro recibirá, dentro do proxecto “Con ojo de pez”, a actuación de “Vuelta y media”, co seu espectáculo “Vecinos”, no que se unen teatralidade e danza acrobática. A continuación, representarase “Habitarme” da compañía “Al lío”, nunha actuación co foco na muller, reivindicando o seu espazo a través da expresión corporal.

“É unha satisfacción que Viveiro sexa escollido para este espectáculo, recoñecendo así o esforzo que facemos en prol da inclusión no noso municipio”, sinala a concelleira de Cultura, Lara Fernández Fernández-Noriega.

RESPOSTAR

Please enter your comment!
Please enter your name here