Xove inicia a inscrición dos cursos da piscina municipal para o primeiro semestre de 2022

O período de inscrición comezará o día 29 de novembro e rematará o día 2 de decembro.

Centro cívico de Xove, co Concello ao fondo. WIKIPEDIA

A Escola Municipal de Natación de Xove abre a inscrición para os cursos do primeiro semestre do ano 2022, de xaneiro a xuño. O período de inscrición comezará o día 29 de novembro e rematará o día 2 de decembro.

A inscrición para alumnos censados en Xove será do 29 ao 30 de novembro entre as 10:00 e as 13:00 horas. Será na Aula Multideportiva Municipal, fronte a Residencia da Terceira Idade.

Aqueles alumnos de fóra de Xove que desexen participar nos cursos poderán facer a inscrición entre o 1 e o 2 de decembro en horario de 10:00 a 13:00 horas, tamén na Aula Multideportiva Municipal.

Os cursos dividiranse en niveis de iniciación e perfeccionamento. En Iniciación os niveis serán Branco e Amarelo para maiores de cinco anos. Impartiranse de xaneiro a febreiro, de marzo a abril e de maio a xuño. Os días programados serán luns, mércores e venres para Branco, logo martes e xoves para Amarelo. Os horarios serán 16:30, 17:30 e 18:30 horas.

Para as categorías de Perfeccionamento, que son os Niveis Verde, Azul e Vermello, para maiores de 6 anos, as aulas celebraranse de xaneiro a febreiro, de marzo a abril e de maio a xuño. Os horarios tamén serán 16:30, 17:30 e 18:30 horas. O reparto en días será igual ao de iniciación, primeiro grupo luns, mércores e venres. O segundo martes e xoves.

Os prezos para acceder a estes cursos son para as persoas xa abonadas á piscina municipal 25€ por curso. Para persoas non abonadas á piscina, 50€ por curso.

RESPOSTAR

Please enter your comment!
Please enter your name here