IniciosociedadeBarreiros súmase á campaña 'En Negro Contra as Violencias'

Barreiros súmase á campaña ‘En Negro Contra as Violencias’

O Concello contactou con arredor de cen negocios e cos colexios para que participen da campaña contra a violencia machista

Publicada o

- Advertisement -

O Concello de Barreiros participará nos vindeiros días por primeira vez na campaña ‘En Negro Contra As Violencias‘, que se desenvolverá conxuntamente en máis dun centenar de municipios e cunhas 6.500 entidades colaboradoras. 

A campaña pretende crear espazos libres de violencias machistas e dar maior visibilidade a un problema público e de toda a cidadanía.

Dende a concellería de igualdade do Concello de Barreiros explican que se contactou cuns 100 establecementos. “Enviamos unha carta a todos os negocios de hostalería e oficinas informando da actual situación, xa que só en España, dende o 2003 (ano en que se empezan a recoller cifras oficialmente), e ata o 10 de xuño de 2019, foron asasinadas 1.000 mulleres, só neste 2019 xa foron asasinadas 51”, segundo informa a concelleira Montse Porteiro.

CENTROS EDUCATIVOS

“Puxémonos tamén en contacto cos dous colexios de infantil e primaria que temos no municipio para involucrar aos máis pequenos nestes actos posto que eles son o futuro que marcará este grave problema”, agrega Porteiro.

INSCRICIÓNS

Para participar na campaña, que durará dende o 18 ó 25 de novembro, e consiste en vestir os establecementos de negro, basta con chamar ao número de teléfono 982.12.40.02 ou enviar un correo electrónico a registro@concellodebarreiros.com, cos datos do establecemento (nome e enderezo) e da persoa de referencia (nome e teléfono), antes do 12 de novembro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...