InicioOccidentalIntelixencia artificial feita en Ribadeo

Intelixencia artificial feita en Ribadeo

O prototipo Eois, obra do estudante ribadense Álvaro Martínez, gañou o certame de Asti Robotics

Publicada o

- Advertisement -

É capaz de cargar e descargar palés, de xogar aos birlos e de saír dun labirinto. Tamén de gañar a outros da súa especie nunha competición similar á esgrima, consistente en tocar ao rival coa punta dun lápis. O robot Eois, obra do ribadense Álvaro Martínez Fernández, impuxo as súas habilidades na segunda edición do concurso de robótica convocado pola empresa Asti Robotics, que congregou en Burgos a ducias de universitarios e estudantes da Formación Profesional

Martínez, un estudante de 22 anos na Facultade de Inxeñaría da Coruña, revalida o título pois o ano pasado, cando estudaba en Burgos, gañara o certame cun equipo de compañeiros burgaleses. Desta volta participou só co nome de Ría de Ribadeo Robótica.

o robot é quen de xogar aos birlos, saír dun labirinto ou descargar palés

Eois é un prototipo similar ao que presentamos o ano pasado, pero un pouco máis sofisticado. En lugar de utilizar unha carcasa prefabricada, esta foi deseñada en 3D”, asegura o ribadense, que traballou durante catro meses para construír o robot. “Entre xaneiro e maio. Foron uns meses largos e incluso tiven que modificar cousas a última hora, mesmo cambiar pezas que se queimaron por exceso de uso”, explica.

O robot Eois, durante a proba dos birlos. ARQUIVO XORNAL DA MARIÑA

A Martínez gústalle reivindicar a súa terra sempre que pode. Eois é o nome da embarcación coa que navega cun amigo na ría de Ribadeo. En novembro do 2017, a súa creación Tesón -chamado así polo banco de area da ría-, gañou un certame na Coruña. “Era un concurso de combates de robots, duns 500 gramos de peso. O de Burgos é máis esixente e supón un desafío”, explica.

O PREMIO, UN EMPREGO

Asti Robotics é unha empresa especializada en automatismos, que crea robots para cadenas de montaxe. A firma ofrece ao gañador do seu desafío anual a posibilidade de facer prácticas na compañía. “É importante, porque o sector da robótica aínda non rompeu. Ten moito futuro e hai unha enorme cota de mercado por diante pero por agora non é tan amplio, non é tan doado atopar traballo”, asegura Martínez. A habilidade de Eois vén de abrille unha porta ao seu creador, un ribadense orgulloso.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...