A vicevoceira do Grupo Municipal Popular de Ribadeo, Elena Sierra, acusou ao BNG local de danar sinais turísticos da vila con adhesivos nacionalistas. Ademais, considera “increíble e indignante” que sexa o partido do goberno local o que fai este dano.

Os adhesivos coa bandeira estrelada aparecenro nos sinais situados entre a rotonda dos Irmandiños e a rotonda da praia das Catedrais. A popular indica que “a limpeza dos sinais corre a conta do diñeiro público” da veciñanza. Por iso, pedirán explicacións ao rexedor ao considerar que debería ser o BNG o que pague por limpar e acondicionar de novo estes sinais turísticos.