InicioOrientalTrabadaA alcaldesa de Trabada critica a mala xestión do servizo 'Coidados Porta...

A alcaldesa de Trabada critica a mala xestión do servizo ‘Coidados Porta a Porta’

A alcaldesa lamenta que o delegado da Xunta en Lugo visitase o autobús do servizo en Trabada sen avisar ao Concello.

Publicada o

- Advertisement -

A alcaldesa de Trabada, Mayra García Bermúdez, lamenta que o delegado da Xunta en Lugo, Javier Arias, visitase hoxe o autobús do servizo ‘Coidados Porta a Porta’ ubicado na praza do Concello sen avisala con anterioridade.

“Unha mostra máis da ausencia de cortesía institucional por parte da Xunta, que visita o concello sen avisar á alcaldesa ou ao grupo de goberno”, afirma García Bermúdez, “porque ademais este servizo está financiado cos fondos do Plan de Recuperación, Transformación e Resiliencia que a raíz da pandemia conseguiu o goberno do Estado, froito das negociacións celebradas en Europa”.

Por outra parte, a alcaldesa lamenta a mala xestión dos ‘Coidados Porta a Porta’ por parte da Xunta de Galicia. “O aluguer de cada camión custa 7.000 euros á semana e o contrato é só por uns meses, ata o 3/11/2023 segundo os pregos do contrato”, asevera García Bermúdez, que considera que “a mellor opción era comprar os vehículos e prestar o servizo de forma permanente”.

“Tamén botamos en falta que se nos comunicara a duración das citas, xa que así podíamos axudar aos veciños a tramitalas, pero semella que o que interesaba era darlle publicidade e non que o servizo funcionase ben”, engadiu.

‘Coidados Porta a Porta’ estaba planificado para achegar ás persoas maiores de 55 anos os servizos de podoloxía, audioloxía e estimulación terapéutica, “pero a xestión non é a adecuada porque a pesar de que o Concello pegou carteis polas parroquias para informar de este servizo indicando o número de teléfono ao que hai que chamar para reservar a cita, non é a solución axeitada porque varios veciños nos trasladaron que chamaban por teléfono e que ninguén contestaba”, apunta.

Sería moito mellor que dende ‘Coidados Porta a Porta’ nos indicaran as duracións das citas para desta forma poder xestionar as mesmas desde o Concello e incluso poñer a disposición o servicio de transporte municipal e facer diferentes rutas polas parroquias para asegurar a accesibilidade a este servizo a toda a veciñanza; é unha pena que este servizo que nos custa tanto a todos, preto de 10 millóns de euros entre o persoal e o aluguer dos autobuses, non chegue á poboación pola mala xestión da Xunta”, remata a alcaldesa de Trabada.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...