A Deputación limpa 238 quilómetros de vía en nove municipios mariñaos

As obras comezaron na zona occidental e central da comarca, e tamén haberá rozas na Pontenova e Riotorto

Imaxe de arquivo dun desbroce en Xove. AXM

Esta semana comezaron os traballos de desbroce da rede viaria provincial, nos que a Deputación de Lugo investirá 705.600 euros en 52 concellos da provincia.

As actuacións comezaron na comarca da Mariña Lucense. Burela, Cervo, O Valadouro, Foz e Alfoz foron os primeiros concellos onde se levaron a cabo tarefas de limpeza de maleza. Os traballos de roza seguiron nos municipios de O Vicedo, Ourol, Viveiro e Xove. Nas dúas xornadas limpáronse en total 238 quilómetros de estrada.

“A REDE PROVINCIAL MÁIS EXTENSA DE ESPAÑA”

Nas vindeiras semanas tamén se realizarán estes traballos nos concellos da Pontenova e Riotorto. Segundo o vicepresidente do ente provincial e deputado de vías e obras, Argelio Fernández Queipo, o plan de rozas da Deputación axeitará “a rede provincial máis extensa de España, con 4.300 quilómetros”.

O obxectivo do plan é “mellorar a seguridade dos condutores ao facilitar a visibilidade e reducimos o risco de avance das lapas no caso de producirse un incendio forestal, ao tempo que xeramos traballo do que se benefician moitos autónomos e pequenos empresarios da provincia”, explicou Fernández Queipo.

RESPOSTAR

Please enter your comment!
Please enter your name here