Os socialistas da Mariña cualifican de “traizón” a instalación de Altri fóra da comarca

Na reunión, da que informaron nun comunicado, cargos socialistas da zona explicaron a folla de ruta na que traballan desde todos os municipios da comarca para reclamar ao Goberno da Xunta unha solución.


Os socialistas da Mariña reuníronse este xoves cos sindicatos UGT, CIG e CCOO para analizar o que consideran unha “traizón” do presidente da Xunta en funcións, Alberto Núñez Feijóo, á comarca en relación á localización da empresa Altri.

Na reunión, da que informaron nun comunicado, cargos socialistas da zona explicaron a folla de ruta na que traballan desde todos os municipios da comarca para reclamar ao Goberno da Xunta unha solución.

Así mesmo, presentaron o modelo de recollida de firmas que impulsarán na comarca e avanzaron a súa intención de analizar novas accións, como mobilizacións.

“Queremos saber cal é o plan industrial da Xunta para A Mariña, porque a promesa de Altri foi a pinga que colmou o vaso da nosa paciencia”, denuncian os socialistas.

No encontro celebrado na tarde deste xoves na Casa do Mar de San Cibrao (Cervo) participaron o alcalde de Foz e presidente da Mancomunidade da Mariña, Francisco Cajoto, as alcaldesas de Viveiro e Trabada, María Loureiro e Mayra García, o portavoz socialista de Cervo, Francisco Mon, e a deputada autonómica, Patricia Otero.

RESPOSTAR

Please enter your comment!
Please enter your name here