Aberto o Mercado Solidario de Ribadeo para recadar fondos destinados á acollida de menores ucraínos

As promotoras desta iniciativa explican que "ante a boa acollida do mercado solidario que xa organizamos hai quince días, volvemos abrir as portas deste local que nos cederon na rúa Vello Pancho co obxectivo de recadar fondos para a asociación Nenos de Ucraína en Galicia e Andalucía”.


O Mercado Solidario de Ribadeo abriu unha nova edición este pasado xoves para recadar fondos destinados a unha asociación cuxo obxectivo é traer menores de Ucraína a Galicia desde hai anos, algúns deles con destino en ri

O mercado prolongarase ata o vindeiro domingo, día 17, nun local da rúa Vello Pancho, concretamente no baixo que ocupaba a Droguería Pulpeiro, fronte á oficina de Abanca. No establecemento poñen á venda artigos como cadros, gorros, gravatas, bixutería, revisteiros, mesas, cabeceiras de camas e diversos obxectos decorativos doados para a causa.

As promotoras desta iniciativa explican que “ante a boa acollida do mercado solidario que xa organizamos hai quince días, volvemos abrir as portas deste local que nos cederon na rúa Vello Pancho co obxectivo de recadar fondos para a asociación Nenos de Ucraína en Galicia e Andalucía”.

E engaden: “queremos aproveitar estas datas nas que moita xente visita Ribadeo para facer unha chamada á solidariedade con estas nenas e estes nenos de Ucraína, que seguen nese país con importantes necesidades como consecuencia da invasión rusa. Toda colaboración será benvida”.

O mercado abre hoxe, Xoves Santo, de 17:00 a 20:00 horas, mañá venres e o sábado de 11:00 a 14:30 e de 17:00 a 20:00 horas e o domingo de 11:00 a 14:30 horas.

RESPOSTAR

Please enter your comment!
Please enter your name here