A Xunta de Goberno da Deputación de Lugo aprobou un convenio de colaboración co Concello de Lourenzá para a mellora de cinco treitos de senllas estradas no municipio, para o que investirá 127.000 euros.
As obras afectarán a 1,2 quilómetros de vía. As actuacións acometeranse en 200 metros da Travesía da Mariña-Avenida Mondoñedo, tamén coñecida como o Cantón, que discorre por diante da praza principal de Lourenzá.
Tamén afectarán a 135 metros da Avenida Calvo Sotelo que discorre por diante dun grupo de vivendas sociais e vai cara a costa de A Mariña.
A estrada que comunica o núcleo co recinto da feira do mercado rural gandeiro, a rúa Secretario Luís Iglesias – Carlos Peregrín Otero, tamén será acondicionada nun percorrido de 235 metros.
NÚCLEOS RURAIS
O convenio tamén beneficiará a un tretio de 300 metros do Camiño de Maderne, que dá saída cara á localidade da Casolga, na zona rural do norte do municipio.
Finalmente, acondicionaranse 400 metros no núcleo rural de Veiga de Santo Adrao, na zona sur do municipio.
INICIO DAS OBRAS NUN MES
O goberno provincial será quen inicie a contratación destes traballos. A Deputación prevé que comecen no prazo dun mes.