Os pícaros da Mariña entrarán a quirófano nun coche teledirixido

A empresa de cafeterías Apetéceme doou o servizo ao Hospital da Costa, a fin de reducir a ansiedade dos nenos que teñan que afrontar operacións ou probas

Un neno entra ao quirófano nun coche teledirixido de Apetéceme, noutro hospital galego. AXM

Os nenos ingresados no Hospital Público da Mariña acudirán a partir de agora á súa cita médica no bloque cirúrxico ou para realizarse probas diagnósticas no seu propio coche eléctrico teledirixido.

A empresa de cafeterías Apéteceme doou o vehículo ao Servizo de Pediatría do centro hospitalario nun acto, celebrado este venres, no que estiveron presentes a xerente executiva da Mariña, María José Cortés Canay, e o xerente da cadea, Nicolás Vázquez, así como profesionais do Hospital Público da Mariña.

“MAIOR EFECTIVIDADE” ASISTENCIAL

Esta iniciativa encádrase dentro do proxecto de humanización dos coidados pediátricos, que propón o uso dos coches teledirixidos de xoguete dentro das instalacións do hospital cunha fin terapéutica.

O obxectivo é tranquilizar ao menor no momento de ter que ir a quirófano e tamén procurar unha mellor colaboración da crianza co persoal sanitario no seguimiento das pautas do seu tratamento e, como consecuencia, proporcionar unha maior efectividade na súa asistencia clínica.

RESPOSTAR

Please enter your comment!
Please enter your name here