Cervo ofrece á mocidade cursos de monitor de tempo libre ou manipulador de alimentos

O Concello inclúe esta formación no programa Avívate, de balde e dirixido a mozos de entre 18 e 30 anos

Entrega de diplomas da pasada edición. AXM

A delegación de xuventude do Concello de Cervo pon en marcha a segunda edición do programa Avívate, dirixido a mozos e mozas de entre 18 e 30 anos. O plan, que comezará o 2 de xullo, inclúe un curso de monitor de tempo libre, outro de manipulador de alimentos e un terceiro de primeiros auxilios.

Dentro da iniciativa tamén está prevista unha visita á escola infantil municipal o 8 de agosto e un obradoiro de ioga impartida por unha especialista.

INSCRICIÓNS

As inscricións son de balde e as prazas son limitadas. Os interesados poden anotarse na casa da cultura e a data límite para inscribirse é o vindeiro xoves, 28 de xuño.

O alcalde de Cervo, Alfonso Villares, afirma que o programa ten como obxectivo “reforzar a formación dos mozos e mellorar a súa empregabilidade, nun mercado laboral cada vez máis competitivo e que demanda maior cualificación”.

RESPOSTAR

Please enter your comment!
Please enter your name here