A subdelegada do Goberno, Isabel Rodríguez, recibiu este mércores ao policía de San Cibrao Ángel Hernández, que resultou ferido durante os incidentes violentos rexistrados o mes pasado en Barcelona.
A subdelegada do Executivo estatal recibiu esta mañá no seu despacho ao axente natural do municipio de Cervo, e destinado actualmente na Coruña. No encontro, Rodríguez agradeceulle a súa profesionalidade e desexoulle unha pronta recuperación das lesións que sofriu nun brazo, feridas polas que tivo que ser intervido cirúrxicamente.
Ademais, a subdelegada mantivo unha entrevista esta mañá con dirixentes do sindicato Unión Federal de Policía (UFP), central á que pertence o axente.