A Garda Civil recomenda precaución aos espectadores do I Rally A Mariña

A cita desenvolverase durante o próximo fin de semana en estradas do Vicedo, Xove e Cervo

Competición de Rally / Escudería Miño
Competición de Rally / Escudería Miño

A Garda Civil desenvolverá durante o próximo fin de semana un operativo especial co fin de garantir a seguridade viaria nas proximidades do evento deportivo, debido ao que recomenda precaución aos espectadores.

Segundo explicou o Instituto Armado nun comunicado, o I Rally Mariña Lucense celebrarase o 16 de novembro e os seus tramos discorrerán por estradas do Vicedo, Xove e Cervo.

Por iso, avanzou este corpo de seguridade, “intensificaranse os servizos encamiñados á detección do consumo de alcol/drogas, excesos de velocidade e a utilización dos sistemas de seguridade (cinto de seguridade / SRI)”.

Co obxectivo de poder gozar do evento con garantías de seguridade, a Benemérita resalta que “é de suma importancia que os afeccionados se sitúen en lugares afastados da posible traxectoria dos vehículos ante unha eventual saída da vía destes, e preferentemente en sitios elevados”.

Ademais, subliña que “deben colaborar coa organización, respectando e obedecendo as instrucións impartidas” e non modificar as sinalizacións, así como “afastarse das zonas sinalizadas como zona prohibida ao público”.

Así mesmo, incide en que nos desprazamentos que se efectúen entre os distintos tramos “debe extremarse a prudencia, adaptándose ás condicións existentes (aumento considerable da circulación e condicións meteorolóxicas adversas)”.

RESPOSTAR

Please enter your comment!
Please enter your name here