IniciosociedadeO Concello de Viveiro pide audiencia á Xunta ante a "carencia de...

O Concello de Viveiro pide audiencia á Xunta ante a “carencia de persoal” do PAC

O goberno local denuncia que "con frecuencia" non se cubren baixas e vacacións e que hai unha praza de médico para a quenda de tarde "que non está cuberta"

Publicada o

- Advertisement -

O Concello de Viveiro anunciou que remitirá a vindeira semana unha carta á Consellería de Sanidade e á Delegación Provincial de Lugo da Xunta de Galicia, solicitando na mesma unha “reunión urxente” para aclarar a situación real na que se atopa o Punto de Atención Continuada (PAC) viveirense.

O goberno local asegura que pretende abordar co Executivo autonómico o “funcionamento diario” do centro sanitario e a “carencia de persoal detectada desde hai tempo”, o que provocou protestas.

Nesta carta porase de manifesto, segundo explica o Concello, “a protesta porque a praza de médico que ocupaba Isabel Rodríguez, actual subdelegada do Goberno en Lugo, está sen cubrir de forma continuada cando debería estar cuberta por unha interinidade ata que se reincorpore a titular ou ata que saia en concurso. Pasaron por esa praza, de forma temporal, catro ou cinco persoas”, lamenta o executivo municipal.

“Ademais, sucede con certa frecuencia que cando os médicos do centro se atopan de baixa ou disfrutando de vacacións reglamentarias, estas ausencias non son cubertas, producíndose unha sobrecarga para os demais facultativos cos conseguintes retrasos na atención”, afirma a alcaldesa de Viveiro, María Loureiro.

O Concello de Viveiro afirma ter coñecemento ademais de que “hai creada unha praza de médico para a quenda de tarde que non está cuberta; terían que ser once médicos e son dez”, denuncian.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...