A FCAM ofrecerá unha xornada informativa para animar ao emprendemento

Representantes da Xunta, da Deputación, do Galp ou do GDR asesorarán aos participantes o 5 de marzo no Cenima de Foz

José Carlos Paleo, presidente da FCAM, na presentación da campaña. AXM

A Federación de Comercio de A Mariña (FCAM) organiza unha xornada informativa destinada a empresas e emprendedores.

Esta actividade terá lugar o 5 de marzo no Cenima de Foz a partir das 12.00 horas. A entrada é libre. Baixo o título de ‘Emprende‘, os conferenciantes facilitarán información sobre subvencións e axudas a empresas e emprendedores desde distintos organismos públicos e asociacións colaboradoras, entre outros asuntos. O presidente da FCAM, José Carlos Paleo, explica que “o obxectivo é animar a emprender e que a xente se anime aos traspasos de negocios. Tamén se falará do mercado do aluguer e das axudas e subvencións para emprendedores”, engade.

Na xornada participarán representantes da Xunta de Galicia, da Deputación de Lugo, do Grupo de Acción Local do Sector Pesqueiro A Mariña-Ortegal, do Grupo de Desenvolvemento Rural Terras de Miranda, de Afigal, de 3A Consultores e da propia FCAM (Federación de Comercio A Mariña).

RESPOSTAR

Please enter your comment!
Please enter your name here