IniciosociedadeAs peticións de Ertes aumentan na provincia un 90% en cinco días,...

As peticións de Ertes aumentan na provincia un 90% en cinco días, con 3.726 obreiros afectados

Un total de 1.058 empresas lucenses presentaron solicitudes; en Galicia, a cantidade duplicouse desde o venres, con 8.276 expedientes e 45.440 empregados implicados

Publicada o

- Advertisement -

Un total de 1.058 empresas da provincia de Lugo presentaron solicitudes para realizar expedientes de regulación temporal de emprego (Ertes) desde o decreto do estado de alarma por mor do coronavirus, segundo precisou a Consellería de Economía, Emprego e Industria.

Deste xeito, o incremento das peticións na provincia é do 90,17% nun prazo de cinco días, segundo os datos facilitados a este medio o pasado 18 de marzo. Daquela, a Xunta de Galicia contabilizaba 104 solicitudes, que afectarían a 505 traballadores. Os 1.058 Ertes presentados afectarían a un total de 3.726 traballadores.

A nivel da comunidade autónoma, presentáronse un total de 8.726 Ertes, que afectarían a 45.440 empregados. É case o dobre dos computados o pasado venres, o que ofrece unha idea da incidencia económica da pandemia e tamén do incremento deste tipo de medidas despois da normativa aprobada polo Goberno central para axilizar os Ertes.

                ERTES PERSOAS TRABALLADORAS
A Coruña 3.172 15.651
Lugo 1.058 3.726
Ourense 1.055 4.281
Pontevedra 2.732 15.536
Autonómico 251 5.509
Estatal 8 737
TOTAL 8.276 45.440

O Executivo central axilizou os trámites nun prazo de sete días para responder á elevada demanda destes procedementos; os traballadores afectados terán dereito a percibir a prestación contributiva por desemprego e a que ese tempo consumido de paro non conte como gastado.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...