EFE. Os tripulantes do Carla, o palangreiro francés que permanece en corentena no porto de Burela, volverán ser sometidos este luns, 27 de abril, ás probas de coronavirus, para saber se finalmente poderán irse, indicou a Efe o armador do buque, José Martínez.
Os traballadores cumpriron finalmente co confinamento no barco, lugar no que están confinados porque así o preferiron” eles mesmos e porque tampouco se lles deu un sitio”, sinala a mesma fonte.
Sanidade Exterior, a autoridade que intervén, prohibiulles saír a pescar e decretou para eles unha corentena que finaliza mañá, despois de que un dos integrantes da tripulación, de Avilés, dese positivo.
Así as cousas, este organismo comunicoulles o pasado venres, por teléfono, que acudirían este luns a realizarlles probas a todos. “E despois non sabemos o que vai pasar, se nos deixaran irnos xa ou non”, sostén o armador.
A medida de illamento adoptouse porque un deles deu positivo por coronavirus nun test realizado o 23 de marzo, aínda que despois, nunha segunda proba, unha PCR, todos eles arroxaron un resultado negativo.