Tres persoas que foron diagnosticadas por coronavirus faleceron na tarde deste mércores, segundo fontes do Servizo Galego de Saúde (Sergas). Son un home de 92 anos que estaba ingresado no CHUF; unha muller de 95 anos que estaban ingresados no CHUO; e un home de 69 anos da Área Sanitaria de Lugo, A Mariña e Monforte de Lemos, que faleceu no seu domicilio.
Todos eles tiñan patoloxías previas, segundo expuxo o Sergas, que non concreta en que localidade da provincia de Lugo se produciu este último falecemento referido.
Trátase da vixésimo sétima vítima mortal que causa a pandemia na provincia. A última morte dunha persoa positiva na área lucense foi o pasado 21 de abril. No tocante a Galicia, faleceron xa un total de 585 persoas por mor do virus.