A fase 1 soa forte e alegre, polo ̶e̶s̶c̶o̶i̶t̶a̶d̶o̶ visto. Comezou o luns 11 de maio, pero non foi ata este sábado e domingo que se comezou a notar máis por estes lares. Fillas e fillos, irmáns, sobriños… aproveitaron os días libres e a posibilidade de desprazarse pola provincia e reunirse nas casas para ir ver a aqueles que tanto estrañaran durante este longo par de meses.
Había máis coches! Bulía a xente nas airas! Vin unha perruquería improvisada baixo dunha pendella! Había, tamén, máscaras de xente precavida que tiña ganas de reencontrarse cos seus pero que temía levarlles o bicho. “Non te me achegues!”, dicía un parente seguidiño. “Aló en Lugo non é coma aquí, aló hai máis xente. E non se sabe quen o ten”.
Agora sentímonos falar preto e soamos todos máis contentos.
Preme abaixo para ler completa a nova entrega do Diario de Desescalada, de Lugo Xornal, Xornal de Lemos e Xornal da Mariña.
