A Xunta dá marcha atrás na reapertura das escolas infantís e anuncia compensacións económicas

Feijóo asegurara hai un mes que poñería en marcha as garderías; recúa tras consultar con pediatras e médicos

Escola infantil. AXM

O presidente da Xunta de GaliciaAlberto Núñez Feijóo, deu finalmente marcha atrás na súa idea de reabrir as garderías, como anunciara hai un mes, e confirmou que as escolas infantís de entre 0 e 3 anos non reabrirán ata o curso que vén -do mesmo xeito que os centros de día e ocupacionais-. Para paliar esta decisión, anunciou un paquete de medidas de conciliación dotado de 40 millóns de euros.

Feijóo xustificou a súa medida tras consultar coa comunidade pediátrica e médica e dixo que “había discrepancias entre os pediatras” e que é “imposible” manter a distancia física nestes colectivos, polo que habería máis riscos na apertura. Os mesmos argumentos que utilizou o Goberno central no seu día para non reabrir as garderías.

O paquete de medidas anunciado inclúe un ‘bono coidado’ extraordinario que a Xunta aspira a que chegue a 36.000 familias e que permitirá contar cunha axuda mensual de 500 euros ata que en setembro se reabran os centros. Entre os requisitos para acceder ao mesmo, os proxenitores deberán traballar fóra de casa e os ingresos non poderán superar os 806 euros por cada membro da unidade familiar. Podes ler a información completa no Galicia Confidencial.

RESPOSTAR

Please enter your comment!
Please enter your name here