Asturias rexeita pedir permiso para a mobilidade con Galicia e Cantabria

O Executivo autonómico asturiano modifica a súa previsión tralos brotes do virus no País Vasco e discrepa da decisión de Feijóo de levantar o estado de alarma

Ponte dos Santos, que une Galicia e Asturias. WIKIPEDIA

O Goberno de Asturias decidiu este xoves non solicitar ao Executivo central autorización para permitir a mobilidade con Galicia e Cantabria a partir do luns 15 de xuño. Segundo sinalou a portavoz do Executivo e conselleira de Benestar e Dereitos Sociais, Melania Álvarez, débese a “cuestións de saúde pública“.

Nese sentido, tras a rolda de prensa posterior ao Consello de Goberno, Álvarez indicou que os últimos brotes de Covid-19 no País Vasco modificaron a previsión inicial de Asturias de solicitar esa mobilidade coas autonomías veciñas, o que permitiría o establecemento dun “corredor do norte” entre as autonomías da Cornixa Cantábrica, que se atopan todas en fase 3 da desescalada.

Doutra banda, a portavoz do Goberno asturiano lembrou que con Galicia “se expón outro problema”, xa que o presidente da Xunta, o popular Alberto Núñez Feijóo, mostrouse partidario de levantar o estado de alarma, mentres que no Principado defenden “que se manteña ata o final”, sentenciou.

Alcaldes de 14 municipios limítrofes de Lugo e Asturias solicitaron poder ter mobilidade entre eles, dado que coas restriccións ao movemento “perdemos o 50% dos recursos”. O rexedor de Ribadeo instara ao Principado e á Xunta a solicitar que se resolvese esta cuestión.

Le a información completa no Galicia Confidencial.

RESPOSTAR

Please enter your comment!
Please enter your name here