Burela acollerá o domingo un taller de robótica para nenos

O alumnado deseñará os seus propios robots nunha actividade gratuíta e sen inscrición

Taller de robótica para nenos. AXM

A Ampa do Ceip Vista Alegre e o Concello de Burela organizan o vindeiro domingo, 30 de setembro, un taller de robótica para nenos.

SEN LÍMITE DE IDADE

O obradoiro, que se celebrará na Praza da Mariña desde as 17.30 horas, será de balde e non fará falta matricularse. Poderán participar nenos de calquera lugar de procedencia e de calquera idade.

PROGRAMACIÓN

Os pícaros que participen na actividade terán a guía de profesionais da empresa Robotix. Os pequenos aprenderán de programación e a partir de pezas de Lego deseñarán o seus propios robots, cos que farán xogos.

PARTICIPACIÓN ABERTA

O edil de cultura, José Díaz, sinala que os participantes poderán “coñecer as novas tecnoloxías” e agradece a proposta da Ampa, que non só beneficiará ao centro senón tamén “a todo o pobo”. 

RESPOSTAR

Please enter your comment!
Please enter your name here