A remodelación do parque das Torres de Foz comezará en outubro

As obras, que financia a Deputación, teñen como obxectivo atraer aos máis novos ao espazo

Parque da urbanización das Torres. AXM

O Concello de Foz adxudicou á empresa Galitec a reorganización do parque das Torres, na que o goberno local investirá 142.659 euros, procedentes do Plan Único que impulsa a Deputación de Lugo.

As obras teñen como obxectivo adecuar o espazo para que poda atraer aos máis novos. Así, instalarase unha pista multideporte con céspede artificial, que se situará no lugar onde está a pista de tenis.

PISTA DE SKATE

As actuacións tamén inclúen habilitar unha zona para practicar skate, con foxo e rocódromo, na ubicación actual da superficie de fútbol sala. Ademais, modificaranse todos os xogos infantís.

RESPOSTAR

Please enter your comment!
Please enter your name here