IniciosociedadeA Valedora admite a trámite a queixa da Plataforma Pro Celeiro polo...

A Valedora admite a trámite a queixa da Plataforma Pro Celeiro polo funcionamento do varadoiro

A institución require á Xunta información sobre os problemas que motivan a queixa da comisión veciñal, como "ruídos" ou "vertidos de pintura ao mar"

Publicada o

- Advertisement -

A Valedora do Pobo, María Dolores Fernández Galiño, vén de admitir a trámite a queixa que a comisión do varadoiro, encadrada na Plataforma veciñal Pro Celeiro, presentou diante desta institución por mor “do silencio” co que a presidenta de Portos de Galicia (Consellería do Mar) respondeu ás demandas relacionadas coa liberación do espazo público, cuase a metade da praia urbana desa localidade da Mariña lucense, que desde finais dos anos 60 do pasado século veñen ocupando as instalacións de Varaderos de Cillero, S. L..

No escrito que lle cursaron no seu día dáse conta das queixas e denuncias veciñais en relación co funcionamento e a problemática que esas instalacións privadas veñen ocasionando. Reiteran ademais a “actitude pasiva” de Portos de Galicia, “que elude as súas responsabilidades de control e inspección” referidas á contaminación acústica, chorreos, vertidos de líquidos e pinturas ao mar. Aparte do escrito, no que describen e argumentan a súa petición de amparo, os veciños da citada comisión adxuntáronlle a documentación das accións públicas e das xestións que ao respecto fixeron ata agora diante das máis diversas instancias oficiais.

Na súa comunicación, a Valedora do Pobo sinala que inicia as actuacións oportunas diante da Consellería do Mar, requeríndolle que no prazo de 15 días lle facilite información sobre os problemas que motivan a queixa da comisión veciñal integrada na Plataforma veciñal Pro Celeiro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...