Contaxiadas dúas persoas tras recibir a vacina da Covid-19 no centro de maiores de Burela

Son un usuario e unha traballadora, ingresada no Hospital; antes da vacina xa se lle fixera test de saliva e PCR

Proba de Covid-19. GALICIA CONFIDENCIAL

Unha traballadora e un usuario da residencia da terceira idade de Burela deron positivo en coronavirus unha semana despois de recibir a primeira dose da vacina de Pfizer no propio centro.

A traballadora permanece ingresada en planta no Hospital Público da Mariña. Pola súa banda, fontes da Consellería de Sanidade explicaron que dous días antes de fornecer a vacina neste centro o pasado día 29 de decembro, practicáronselle test de saliva e PCR tanto aos usuarios como aos traballadores deste centro e todos deron negativo.

Así mesmo, estas fontes sinalan que a traballadora puido contaxiarse no seu ámbito familiar e descartan que o seu caso se trate de efectos adversos producidos pola vacina.

RESPOSTAR

Please enter your comment!
Please enter your name here