O número de casos activos de coronavirus na provincia de Lugo baixa a 1.086, 43 menos ca onte, segundo o reconto ofrecido este mércores polo Servizo Galego de Saúde (Sergas). Desde a anterior actualización detectáronse un total de 35 positivos novos por PCR.
Dos 1.086 contaxiados, 78 permanecen ingresados (25 deles en coidados intensivos, todos no HULA). Os 53 pacientes Covid-19 en plantas de hospitalización repártense entre o Hospital da Mariña (cinco, sen variacións), o propio Hospital Universitario Lucus Augusti (35, catro máis) e o centro hospitalario de Monforte (12, dous menos).
No histórico da provincia documéntanse 196 defuncións, 10.094 altas e 11.382 casos acumulados desde o inicio da pandemia. Fixéronse 178.212 PCR, o que implica que desde a anterior actualización efectuáronse 787 probas.
No tocante á situación epidemiolóxica por municipios, en Viveiro segue o descenso dos positivos novos confirmados nos últimos 14 días. Son 27, un menos ca os comunicados onte. En Burela o número de contaxios localizados nas últimas dúas semanas baixa a dez (-1). O resto dos concellos da Mariña teñen entre un e nove casos nese mesmo prazo, agás Lourenzá, Cervo, Trabada e Barreiros, libres de Covid-19.
RESIDENCIAS
MAIORES
1 Residencia O Incio
1 Residencia Hospital Asilo San Sebastián e San Lázaro (Ribadeo)
1 Residencia Nosa Señora do Carme (Sarria)
1 Residencia San Bartolomeu de Xove
TRABALLADORES
4 Residencia da Pastoriza
3 As Gándaras (Lugo)
4 Residencia Nosa Señora do Carme de Sarria
2 Residencia San Bartolomeu (Xove)
