Seguen aumentando os casos activos da covid

Este sábado houbo 20 novos contaxiados na área sanitaria Lugo-Mariña-Monforte.

Traslado dun enfermo / EFE

Galicia sufriu nas últimas horas un incremento da presión hospitalaria ao aumentar a 258 os pacientes ingresados con covid-19, o que implica seis máis que a xornada anterior. Con todo, os casos activos continúan coa súa tendencia descendente, ata os 2.563 –seguen a niveis de finais de agosto–, mentres que os novos contaxios detectados a través de distintas probas baixaron a 161, case unha trintena menos.

Segundo os datos actualizados este sábado pola Consellería de Sanidade, con rexistros ata as 18,00 horas do venres, os pacientes de coronavirus que permanecen en unidades convencionais de hospitalización subiron ata o 205 –oito máis–, aínda que os que están en unidades de coidados intensivos (UCI) descenderon a 53 –dous menos–.

Con todo, a presión hospitalaria descendeu na área sanitaria de Lugo-A Mariña-Monforte, ata os 18 (-1), tres deles na UCI (-1).

MENOS CASOS ACTIVOS E MENOS CONTAXIOS

Os casos activos de covid-19 volveron a descender en Galicia lixeiramente ata os 2.563, o que supón 12 menos que a xornada anterior, pero subiron, de novo, en Lugo-A Mariña-Monforte, ata os 216 (+6).

En canto aos novos contaxios detectados con calquera tipo de proba que suma o Sergas aos seus datos actualizados, sitúanse en 161, dos que 20 foron en Lugo-A Mariña-Monforte.

Please wait while you are redirected...or Click Here if you do not want to wait.

RESPOSTAR

Please enter your comment!
Please enter your name here