A evolución do virus na Mariña segue preocupando en Trabada, que mostra unha incidencia acumulada a 14 días superior a 500 casos por 100.000 habitantes, cun número total de casos activos que non supera a decena.

Pola súa banda, Barreiros tamén baixa da decena de contaxios pero segue cun nivel de incidencia superior a 250 casos por 100.000 habitantes, mentres Ribadeo e Burela rexistran 13 contaxios confirmados e unha incidencia superior a 50 casos por 100.000 habitantes, mesmo nivel no que se achan os municipios de Foz, Mondoñedo, O Vicedo e Viveiro.

Nun chanzo inferior, cunha incidencia superior a 25 casos por 100.000 habitantes, están os municipios de Lourenzá e Xove, mentres que Alfoz, Cervo, Mondoñedo, Ourol, A Pontenova e O Valadouro atópanse sen novos contagios na última semana.

Precisamente, o municipio de Barreiros baixará ao nivel medio de restricións a partir deste venres, o que supón unha reapertura da hostalaría ao 30% en interiores e ao 50% en terrazas, mesma situación na que continuará Trabada.