Investigado un cervense por suposta simulación de estafa

O imputado, de 37 anos, denunciou cargos supostamente fraudulentos emitidos mensualmente ao longo dos últimos anos por unha web para adultos

Axente da Garda Civil. GALICIA CONFIDENCIAL

A Garda Civil imputou en calidade de investigado na localidade de Burela a un veciño de Cervo de 37 anos de idade como presunto autor dun delito de simulación de delito.

Segundo informou o Instituto Armado, a persoa investigada presentou unha denuncia o pasado mes de xaneiro como prexudicado nunha estafa bancaria, que consistía en cargos supostamente fraudulentos emitidos mensualmente ao longo dos últimos dous anos.

As mesmas fontes relatou que se iniciou unha investigación para o esclarecemento destes feitos, que constatou que foi o propio denunciante o que se subscribiu voluntariamente en xullo do ano 2016 a unha páxina web enfocada para adultos.

A persoa investigada foi posta a disposición do Xulgado de Instrución número 1 de Viveiro.

RESPOSTAR

Please enter your comment!
Please enter your name here