InicioSucesosDesestimado o recurso da familia da moza falecida nas Catedrais

Desestimado o recurso da familia da moza falecida nas Catedrais

O xulgado confirma o arquivo da causa ao entender que a morte da rapaza "foi accidental"

Publicada o

- Advertisement -

O Xulgado de Instrución número 1 de Mondoñedo desestimou o recurso de reforma interposto pola familia da moza falecida nas Catedrais contra a decisión da xuíza de sobreser a causa ao entender que a morte foi accidental. O Tribunal Superior de Xustiza de Galicia (TSXG) deu a coñecer este xoves o auto.

O suceso ocorreu o pasado 31 de marzo, cando a rapaza, de 25 anos e natural de Valladolid, recibiu o impacto dunha rocha desprendida na cabeza cando paseaba polo interior dunha das covas do areal.

O xulgado confirma o arquivo da causa ao interpretar que non hai indicios de criminalidade e que o falecemento “foi accidental, tal e como se fai constar no informe da autopsia, e sen que as dilixencias instruídas polos axentes da Garda Civil e pola Unidade Orgánica da Policía Xudicial de Burela apuntaran sequera posibles causas constitutivas de infracción algunha”.

O recurso imposto pola familia da falecida alegaba que ese mesmo día un visitante do monumento natural avisou de desprendementos e indicaba que “estudios previos” aconsellaban o peche. O auto sinala que a advertencia do turista foi noutro punto do areal distinto a onde sucedeu o accidente e matiza que os informes foron realizados “con posterioridade” á morte da moza. Polo tanto, entende que aínda que “o peche e a evacuación poderían ter sido oportunos, non levalos a cabo non reviste relevancia penal”.

DE HABER RESPONSABILIDADE, “NON PENAL”

Segundo o auto, “aínda cando poidera considerarse que concorrera algún tipo de responsabilidade por culpa imputable ao personal da Xunta de Galicia, a mesma debera situarse extramuros do Dereito Penal”. O xulgado considera que “a falta de previsibilidade que poidese atribuírselle” tería unha entidade que pertencería “ao ámbito da responsabilidade civil”.

NON FIRME

O auto non é firme, posto que pode ser recorrido en apelación ante a Audiencia Provincial.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...