Un veciño de San Tirso de Abres de 32 anos permanece ingresado en estado moi grave no Hospital Universitario Central de Asturias (HUCA) en Oviedo tras sufrir a picadura dunha velutina, segundo publica El Comercio.

A vítima, que era alérxica ás avespas asiáticas, desbrozaba os lindes dunha finca na mañá do martes cando foi atacado polo insecto. Segundo o testemuño do irmán, recollido polo xornal asturiano, acudiu ao domicilio a buscar a adrenalina que tiña para administrarse en caso de picaduras, pero desavaneceuse.

Tamén segundo expuxo o seu familiar en El Comercio, a situación é crítica, pois a súa actividade cerebral redúcese pouco a pouco. A vítima recibiu picadas noutras tres ocasións pero sempre fora quen de establecerse co antídoto.

TRASLADO AO HOSPITAL

Un veciño transladouno ao centro de saúde da localidade onde recibiu a primeira atención antes de ser trasladado ao hospital ovetense nunha ambulancia medicalizada.