Falece un pescador monfortino localizado no mar en Portocelo

Salvamento Marítimo trasladou a terra ao home, de orixe coreana, pero os servizos sanitarios non conseguiron reanimalo

Embarcación de Salvamento Marítimo. EUROPA PRESS

Salvamento Marítimo trasladou a terra a un pescador, que foi localizado na auga na zona de Portocelo, en Xove, e que faleceu a pesar dos intentos dos servizos sanitarios por reanimalo, segundo indicaron fontes do 112.

Salvamento indicou que se recibiu a alerta a través do servizo de Emerxencias do 112 Galicia, co que se puxo en contacto un particular, para informar de que había un pescador na auga.

Até o lugar desprazouse a lancha de salvamento Saturno e o helicóptero Pesca II, que comprobaron que había unha persoa flotando na auga. Tras proceder ao seu rescate, o home foi trasladado á terra, onde foi atendido por efectivos sanitarios do 061.

A pesar dos intentos por reanimalo, o home faleceu, segundo informaron fontes do 112, que indicaron que se trata dunha persoa de orixe coreana e veciño da localidade de Monforte.

RESPOSTAR

Please enter your comment!
Please enter your name here