Tres mozos, dous italianos e un veciño de Vitoria-Gasteiz, resultaron detidos en Lugo como supostos autores de roubos en coches e autocaravanas por toda a xeografía española e tamén na Mariña Lucense.

A Garda Civil iniciou a investigación trala denuncia de varios delitos cometidos en áreas de aparcamento de praias da Mariña Lucense levou á identificación dos detidos, que teñen entre os 18 e os 21 anos de idade. Desprazábanse nunha autocaravana con placa de matrícula alemá pola xeografía española.

No vehículo, os axentes interviñeron teléfonos móbiles de alta gama, cámaras fotográficas, un ordenador, un televisor, pequenos electrodomésticos, pezas de roupa, zapatillas, bolsos, carteiras, xoias e reloxos. Todos eles de “procedencia inxustificada”.

DESDE A COSTA LUGO ATA CÁDIZ

A raíz da investigación en curso esclarecéronse, polo menos, 16 delitos de roubo en turismos e autocaravanas en Cedeira e Sanxenxo, e tamén noutros puntos do Estado como Conil de la Frontera (Cádiz) e Aliseda (Cáceres).