Unha muller resultou ferida á primeira hora deste luns nun accidente de circulación que se produciu no municipio lucense de Mondoñedo, como consecuencia dunha saída de vía do coche que conducía.
Segundo informaron a Efe fontes do 112 e do Subsector de Tráfico da Garda Civil de Lugo, a condutora perdeu o control do vehículo, que se saíu da vía á altura do quilómetro 9,900 da estrada autonómica LU-160, que vai de Mondoñedo a Ferreira de Valadouro.
OCORREU NA ESTRADA QUE VAI A FERREIRA DO VALADOURO
O Centro Integrado de Atención a Emerxencias de Galicia (CIAE) mobilizou ao 061, aos Bombeiros de Barreiros, á Garda Civil de Tráfico e á agrupación de voluntarios de Protección Civil de Barreiros.
Tras recibir os primeiros auxilios no mesmo lugar do accidente, a vítima, cuxas feridas aparentemente non eran graves, foi trasladada a un centro sanitario.